Մենք այստեղ տաք դահլիճում մեր գործն ենք անում, բայց այնտեղ մարդիկ ցրտին սահման են պահում. Գևորգ Պետրոսյան

ԱԺ դեկտեմբերի 13-ի արտահերթ նիստում ԲՀԿ-ական պատգամավոր Գևորգ Պետրոսյանը ՊՆ-ին կոչ արեց մտածել զինծառայողների սոցիալական ապահովության մասին:

«Մենք այստեղ տաք դահլիճում մեր գործն ենք անում, բայց այնտեղ մարդիկ ցրտին սահման են պահում: Եվ եթե վերին մակարդակներում հնչում է խոսք, որ փող կա, և ծախսելու տեղ չկա, ես հուշում եմ ձեզ ծախսելու տեղը: Բյուջեի գումարը ծառայեցրեք մեր անվտանգությունն ապահովող մարդկանց շահերն ապահովելու համար»,- ասաց Գ. Պետրոսյանը:

ՀՀ պաշտպանության նախարարի տեղակալ Մակար Ղամբարյանն ի պատասխան ասաց, որ այդ հարցն իրենց մշտական ուշադրության ներքո է: Ըստ նրա՝ անցյալ տարվա համեմատությամբ, 18 միլիարդ դրամով ավելացել է զինծառայողներին հատկացվող գումարը: Վարչապետի հրամանով առանձնահատուկ պայմաններում զինծառայողների համար հավելավճարներ են սահմանվել:

(Visited 3 times, 1 visits today)

sirartsir

Добавить комментарий

Ваш адрес email не будет опубликован. Обязательные поля помечены *

Наверх