Ի՞նչ է տեղի ունենում Փաշինյանի օրոք». Էդուարդ Շարմազանով

ՀՀԿ խոսնակ Էդուարդ Շարմազանովը ֆեյսբուքյան իր էջում գրել է. «Մի փորձեք ձեր անգրագետ կարծիքը փաթաթել հանրությանը. վերջերս վարչապետի ընտանիքին պատկանող լրատվամիջոցում մի հոդված հրապարակվեց, որտեղ փորձ է արվում հակադարձել իմ այն հայտարարությանը, թե Հանրապետականի իշխանության շրջանում Ալիևն ինքն էր պնդում, թե իրեն ճնշում են՝ ճանաչել Արցախի անկախությունը, իսկ Փաշինյանի իշխանության շրջանում նույն Ալիևին կիրթ և նորմալ են համարում:

Վերահաստատում եմ դիրքորոշումս. այոʹ, Ալիևն ինքն էր հայտարարել իր վրա ճնշում լինելու մասին, որպեսզի ճանաչի Արցախի անկախությունը:
Ավելին, Բելառուսի նախագահ Լուկաշենկոն էլ մեկ այլ առիթով հրապարակավ նշել է, որ Սերժ Սարգսյանը հրաժարվել է տարածքներ վերադարձնելուց:
Իսկ ի՞նչ է տեղի ունենում Փաշինյանի օրոք:

Նույն հոդվածում, միգուցե հենց Փաշինյանի կողմից, փորձ է արվում հակադարձել ինձ, թե Արցախը Հայաստան է և վերջ, ՀՀ վարչապետի արտահայտությունը սխալ չէ:

Նման պնդումն ուղղակի զարմանալի ու տարօրինակ է: Այդ հայտարարությունից Հայաստանը և Արցախը որևէ դրական արդյունք չստացան: Մեր դիրքերը բանակցություններում թուլացան, որն ակնհայտ դարձավ ԵԱՀԿ Մինսկի խմբի համանախագահ Ռուսաստանի արտաքին գործերի նախարար Լավրովի խիստ քննադատությամբ:
Թող Փաշինյանն ասի՝ որն է դրա դրականը:

Եթե Փաշինյանն ու նրան սպասարկող քարոզչամեքենան տեղյակ չեն, տեղեկացնեմ, որ բանակցությունների և հակամարտության կողմ լինելը տարբեր բաներ են: Հայաստանը բանակցային կողմ է, բայց ոչ երբեք կոնֆլիկտի: Ու մի փորձեք ձեր անգրագետ գնահատականները փաթաթել հանրության պարանոցին:

Հ. Գ. Իսկ երբ ՀՀ վարչապետն ասում է, թե խնդրի լուծումն ընդունելի պետք է լինի նաև Ադրբեջանի հասարակության համար, ի՞նչ նկատի ունի, ո՞րն է փոխզիջումը, ո՞րն է խնդրի լուծման նիկոլական տարբերակը:
Մինչ 2020-ի մեկնարկը լավ կլիներ այդ հարցերի պատասխանները ՀՀ վարչապետի պաշտոնն զբաղեցրած անձնավորությունից:

(Visited 3 times, 1 visits today)

sirartsir

Добавить комментарий

Ваш адрес email не будет опубликован. Обязательные поля помечены *

Наверх