Իմ մոտ տպավորություն է, որ ինքը իբր մարշալ Ժուկովն է, Բեռլինը գրավել է, մնացածն էլ ուզում են հող հանձնել․ Էդուարդ Շարմազանով

Անցած տարվա սկզբին մենք ականատես եղանք Փաշինյանի կողմից Իրանում օտարերկրյա գործակալների վերաբերյալ հայտարարությանը, անցել է մեկ տարի եւ նա չի տվել որեւէ օտարերկրյա գործակալի անուն: Այս մասին, այսօր՝ լրագրողների հետ հանդիպման ժամանակ նշեց ՀՀԿ մամուլի խոսնակ Էդուարդ Շարմազանովը:

«Ավելին, անվտանգության մարմինները չեն հայտնաբերել եւ չեն վնասազերծել որեւէ օտարեկրյա գործակալի: Սա ուղղակի խայտառակություն է: Երբ պետության ղեկավարը հայտարարում է, որ կան քաղաքական գործիչներ, որոնք զբաղված են օտարեկրյա գործակալ լինելով, այդ ամբողջ մեկ տարվա ընթացքում գոնե մեկ գործակալ բացահայտված չէ: Սա խոսում է կամ պետության ղեկավարի հայտարարությունների անլուրջ, ջրիկ լինելու մասին, կամ էլ պետական համակարգի անմեղսունակ լինելու մասին»,-ասաց Շարմազանովը:

Երկրորդ աբսուրդային հայտարարությունը, ըստ նրա, Արցախում դավադիր ուժեր փնտրելն է, որոնք ուզում են պատերազմ, որպեսզի հող հանձնեն. «Եվ դավադիր ուժեր ասելով նկատի ունի այն ուժերին, որոնք ժամանակին հող են ազատագրել: Իմ մոտ տպավորություն է, որ ինքը իբր մարշալ Ժուկովն է, Բեռլինը գրավել է, մնացածն էլ ուզում են հող հանձնել:

Երրորդ աբսուրդային հայտարարությանը մենք ականատես սեպտեմբերի 2-ին, երբ վարչապետը լայվ մտավ ու շտապեց զարմացնել ողջ աշխարհին ու զարմացրեց, ասելով, որ Լեռնային Ղարաբաղը 1991 թվականի սեպտեմբերի 2-ին անկախացել է Խորհրդային Ադրբեջանից: Թան չէ, փրթած մածուն: Սովետական Ադրբեջանից Ղարաբաղն անջատվել է 1988 թվականի փետրվարի 20-ին եւ հուլիսյան որոշումներով»,-ընդգծեց Շարմազանովը:

Նա հավելեց, որ հաջորդ աբսուրդային հայտարարությունը ռուսաստանցի լրագրողների հետ հանդիպմանն էր, երբ նրանք վարչապետ Փաշինյանից տեղեկացան, որ Գարեգին Նժդեհը մարշալ Բաղրամյանի հետ պայքարել է Սարդարապատի ճակատամարտում: Վարչապետը պարտավոր չէ ունենալ պատմագիտական խորը գիտելիքներ, բայց եթե մի բանից չունես գիտելիքներ, ավելի լավ է լռես, ոչ թե ծիծաղի առարկա դառնաս: Նժդեհը Սարդարապատում չի պայքարել: Նա եղել է Ղարաքիլիսայի ճակատամարտի հերոսը, նրանք երբեք նույն ռազմաճակատում մարշալ բաղրամյանի հետ չեն եղել:

Աբսուրդային հայտարարությունները շատ են՝ Հռոմի պապը ես եմ, Հիսուս Քրիստոսի հետ»,-ասաց նա:

(Visited 6 times, 1 visits today)

sirartsir

Добавить комментарий

Ваш адрес email не будет опубликован. Обязательные поля помечены *

Наверх