«Ցըմփ-դըմփ-հու» աննախադեպ շոուն՝ շարունակելի. Էդուարդ Շարմազանով

ՀՀԿ խոսնակ Էդուարդ Շարմազանովը ֆեյսբուքյան իր էջում գրել է. ««Ցըմփ-դըմփ-հու» աննախադեպ շոուն՝ շարունակելի.

Աննախադեպության՝ առաջինն ու միակը լինելու մոլուցքը Փաշինյանին հետապնդում է ամենուր:

Առավոտյան քննիչ-վարչապետ-սելֆի բեմականացումը սովորականի պես ծիծաղելի վերջաբան ունեցավ. պարզվում է՝ պատմության մեջ առաջին անգամ հարցաքննված ՀՀ գործող ղեկավարը ոչ թե ինքն է, այլ երկրորդ նախագահ Ռոբերտ Քոչարյանը:

Իսկ աննախադեպության հարցում ինքն իսկապես առաջամարտիկ է:

ՀՀ պատմության մեջ առաջին անգամ երկրի գործող ղեկավարը շրջափակեց դատարանները, կիրթ և նորմալ հայտարարեց հայ սպային կացնահարողին հերոսի կոչում շնորհած, հայ զինվորին քառատելու հրաման տված Ալիևին,

նսեմացրեց հայ ժողովրդի հաղթանակած պատերազմն ու նրա հերոսներին, պաշտոնական ընդունելության արժանացրեց ՊՊԾ գունդը գրաված ահաբեկիչներին, ձեռնոց նետեց հոգևորականությանն ու հայագիտությանը, իր պաշտպանության տակ առավ տրանսգենդերին, նրա օրոք ԱԺ ամբիոնից բացահայտ տրանսգենդերիզմ քարոզվեց, ծննդատներ փակվեցին, «քուչի» բառապաշարը դարձավ պետական բարձրաստիճան պաշտոնյայի առօրեական խոսք:

Նրա շնորհիվ հայհոյանքն ու ատելությունը մտան հանրային-քաղաքական հարաբերություններ:

Աննախադեպության առաջամարտիկի ձեռքբերումներն այսքանով չեն ավարտվում …

«Ցըմփ-դըմփ-հու» աննախադեպ շոուն՝ շարունակելի»:

(Visited 7 times, 1 visits today)

sirartsir

Добавить комментарий

Ваш адрес email не будет опубликован. Обязательные поля помечены *

Наверх