Արդյունավետ հնարք առանց դեղամիջոցների սրտխառնոցից ազատվելու համար

Սրտխառնոցը բավական տհաճ զգացողություն է, որը կարող է պայմանավորված լինել ամենատարբեր խնդիրներով, սկսած երթևեկությունից, մինչև գլխուղեղի ուռուցքը:

Նման դեպքերում շատ արդյունավետ են լինում սրտխառնոցը մեղմող դեղամիջոցները, սակայն այս խնդրի դեմ կարելի է պայքարել նաև մի շարք փորձված հնարքների միջոցով:

Ձեր ուշադրությանն ենք ներկայացնում 5 լավագույն հնարքները, որոնք կօգնեն մեղմել սրտխառնոցն ու ազատվել տհաճ զգացողություններից առանց դեղամիջոցների

Խորը շնչել

Սա սրտխառնոցի դեմ պայքարի լավագույն միջոցն է, որը հատկապես արդյունավետ է, եթե սրտխառնոցը պայմանավորված է լինում երկար ճանապարհով ու երթևեկությամբ:

Պարզապես հարկավոր է երեք վայրկյանի ընթացքում քթով խորը շունչ քաշել, այնուհետև երեք վայրկյան շունչը պահել և դանդաղ արտաշնչել (3 վայրկյան):

Ընդ որում՝ այս ընթացքում խորհուրդ է տրվում փակել աչքերը:

Շեղել ուշադրությունը

Սրտխառնոցից ազատվելու համար կարելի է նաև փորձել շեղել ուշադրությունը:

Օրինակ՝ կարելի է երաժշտություն լսել, որևէ հետաքրքիր ֆիլմ դիտել, որևէ թեթև տնային գործ անել, կամ պարզապես զբոսնել: Սա կօգնի չկենտրոնանալ սրտխառնոցի վրա և ազատվել տհաճ զգացողություններից:

Չքնել անմիջապես ուտելուց հետո

Ուտելուց հետո քնելու դեպքում տհաճ զգացողությունները միայն էլ ավելի կսրվեն:

Ընդ որում՝ հատկապես վնասակար է որովայնի վրա պառկած քնելը: Եթե այնուամենայնիվ հարկավոր է մի փոքր հանգստանալ, ապա անհրաժեշտ է ընտրել այնպիսի դիրք, որի դեպքում մարմնի վերին հատվածը մի փոքր բարձր կլինի:

Կոճապղպեղ ուտել

Գիտնականներն առայժմ չեմ կարողացել պարզել, թե ինչպես է կոճապղպեղը նման ազդեցություն ունենում օրգանիզմի վրա, սակայն հետազոտությունները ցույց են տվել, որ այն իսկապես օգնում է մեղմել սրտխառնոցը հղիության ու քիմիաթերապիայի ընթացքում, ինչպես նաև վիրահատություններից հետո:

Սրտխառնոցից ազատվելու համար կարելի է պարզապես մի բաժակ կոճապղպեղով թեյ խմել կամ մի կտոր թարմ կամ շաքարով պահածոյացված կոճապղպեղ ուտել:

Որևէ սառը ըմպելիք խմել

Սրտխառնոցոից ազատվելու շատ արդյունավետ միջոց կարող են լինել նաև սառը ըմպելիքները: Այս դեպքում հիանալի օգնական կարող են լինել սառը ջուրը, թարմ կիտրոնով պատրաստված լիմոնադը կամ անանուխով սառը թեյը:

Մասնագետների խոսքով՝ ընդամենը մի քանի կումը պետք է օգնի զգալիորեն մեղմել տհաճ զգացողությունները:

(Visited 12 times, 1 visits today)

sirartsir

Добавить комментарий

Ваш адрес email не будет опубликован.

Наверх