Եղունգների շերտավորվում. Դա այլևս խնդիր չէ.

Եղունգների շերտավորումից ազատվելու համար հարկավոր է պարզել պատճառը, վերացել այն և ճիշտ խնամել դրանք։ Lifehacker.ru կայքը խորհուրդներ է ներկայացրել այս տարածված խնդրից ազատվելու համար։

Ինչու են շերտավորվում եղունգները. խնդիրներ առողջության հետ։ Եղունգները կարող են թուլանալ լյարդի, երիկամների, մակերիկամների և աղիների հետ կապված խնդիրների արդյունքում։ Պատճառների շարքում կարելի է դասել նաև հակաբիոտիկների օգտագործումը, սթրեսը, նյարդային վիճակը։

Վիտամինների և հանքանյութերի պակաս։ Երկարատև խիստ դիետան կարող է հանգեցնել ավիտամինոզի։ Դա անդրադառնում է ինքնազգացողության, մաշկի, մազերի և եղունգների վիճակի վրա։ Ստուգեք՝ արդյոք անհրաժեշտ քանակով ստանում ե՞ք հետևյալ նյութերը.

• Կալցիում՝ պարունակվում է կանաչ բանջարեղենի, կաթնամթերքի, հատիկավորների. սոյայի, սերմերի մեջ։
• Մագնեզիում։ Մագնեզիումով հարուստ է հնդկական պոպոքը, գետնանուշը, սպանախը, լոբին:
• Ֆոսֆոր՝ պարունակում են պանիրը, կաթնաշոռը, ձուկը, ծովամթերքը։
• Վիտամիններ A. B1, B3, C, D, D։ Պարունակում են ընդեղենը, սունկը, հավի ձուն, նուշը։

Վատ մատնահարդարում։ Նույնիսկ ճիշտ սննդակարգի հետևելով՝ կարող եք վնասել եղունգները, եթե սխալներ եք թույլ տալիս մատնահարդարման ընթացքում։ Եղուգների որակը կարող է տուժել վատ գործիքների, լաքերի օգտագործման արդյունքում, ինչպես նաև արհեստական եղունգներ երկար կրելու հետևանքով։

Առանց ձեռնոցի կենցաղային աշխատանք կատարելը։ Ագրեսիվ մաքրող միջոցները, նույնիսկ սպասքը լվանալու համար նախատեսված միջոցը կարող է լուրջ վնաս հասցնել եղունգին. մաշկը կարող է չորանալ, իսկ եղունգները կդառնան ավելի թույլ, կկորցնեն փայլը։

Ինչ անել, որ եղունգները չշերտավորնեն

Ստուգեք առողջական վիճակը։ Քանի որ թույլ եղունգները կարող են վկայել տարբեր հիվանդությունների առկայության մասին, խորհուրդ է տրվում դիմել մասնագետի օգնությանը։ Եթե առողջության հետ կապված խնդիրներ չունեք, հետևեք այս խորհուրդներին.

• Լավ քնեք։ Ամբողջական վերականգնման համար մարդուն հարկավոր է քնել 7-9 ժամ։
• Հանգստացեք։ Քիչ սթրես, ավելի շատ ուրախություն. ահա լավ ինքնազգացողության և առողջության գրավականը։
• Պահպանեք օրվա ռեժիմը։ Ճիշտ կլինի օրվա ռեժիմի մեջ ներառել սպորտով պարբերականորեն զբաղվելն ու զբոսանքը մաքուր օդին։
• Բազմազան դարձրեք սննդակարգը։ Որքան շատ բնական և որակյալ սնունդ ներառեք սննդակարգում, այնքան ամուր կլինեն եղունգները։

Ճիշտ խնամեք եղունգները։

• Գերադասելի է հարդարել մատները միայն ստուգված մասնագետների մոտ։ Եթե վստահում եք միայն ինքներդ ձեզ, մի մոռացեք մաքուր պահել գործիքները։ Լաքը հեռացնելու համար նախընտրեք առանց ացետոնի հեղուկները։
• 4-6 շաբաթից ավելի մի կրեք արհեստականորեն երկարացված եղունգներր։ Ապա 1-2 շաբաթ ընդմիջեք՝ եղունգների վիճակը բարելավելու համար։
• Եթե եղունգն արդեն իսկ շերտավորվել է, այն վերականգնել չեք կարողանա։ Գերադասելի է հեռացնել այդ հատվածը և հոգ տանել եղունգի մնացած հատվածի առողջության մասին։

Սնուցում։ Որպեսզի եղունգներն առողջ լինեն, դրանք պետք է սնուցող նյութեր ստանան: Այս նպատակով ամեն օր եղունգներին տարբեր յուղեր քսեք։ Կոկոսի, ձիթապտղի և այլ յուղեր կարող եք քսել մատներին քնելուց առաջ։

Խոնավեցում։ Շերտավորվող եղունգներին օգտակար կլինեն վաննաները։ Բուժման ընթացքում դրանք հարկավոր է անել շաբաթվա ընթացքում 5-6 անգամ, իսկ պրոֆիլակտիկայի համար բավական է շաբաթվա ընթացքում 3-4 անգամը։

• Աղով վաննա։ 1 ճաշի գդալ աղը լուծեք 200 մլ տաք ջրում։ Մատների ծայրերը թողեք այս ջրում 15-20 րոպե, մաքրեք եղունգները, մի թրջեք դրանք մոտակա մեկ ժամվա ընթացքում։
• Խոտաբույսերով վաննա։ Մեկ թեյի գֆալ երիցուկի վրա մեկ բաժակ եռացած ջուր լցրեք։ Թողեք 10-15 րոպե, մինչև ջուրը դառնա նորմալ ջերմաստիճանի, և ձեռքերը դրեք ջրի մեջ 20-30 րոպե։
• Յուղ և կիտրոն։ 100 մլ ցանկացած բուսական յուղ տաքացրեք։ Ավելացրեք կիտրոնի հյութ և վիմատին A: Ձեռքերը վաննայում պահեք 20-25 րոպե, ապա թեթև մերսեք եղունգները։
• Գարեջրով վաննա։ Կես բաժակ տաք գարեջուրը խառնեք նույնքան խնձորի հյութի հետ։ Ձեռքերը դրա մեջ պահեք 10 րոպե։
• Թեյով վաննա։ Կես բաժակ թունդ կանաչ թեյի մեջ ավելացրեք 2 ճաշի գդալ բուսական յուղ։ Պահեք ձեռքերը 10-15 րոպե։

Ամրացում։ Եղունգներն ավելի ամուր դարձնելու համար հետևեք այս խորհուրդներին։

• Կիտրոնի հյութ։ Կիտրոնը ոչ միայն սպիտակեցնում է եղունգները, այլև դրանց ամրություն է հաղորդում։ Կիտրոնի հյութը եղունգներին քսեք օրվա ընթացքում 1-2 անգամ։
• Աղ։ Եղունգները թրջեք մանր աղով։ Յուրաքանչյուր եղունգի վրա թողեք 30-60 վայրկյան, ապա ձեռքերը լվացեք և փափկեցնող կրեմ քսեք։ Այս պրոցեդուրան բավարար է ամսվա ընթացքում մեկ անգամ կատարելը։

(Visited 394 times, 1 visits today)

sirartsir

Добавить комментарий

Ваш адрес email не будет опубликован. Обязательные поля помечены *

Наверх