Շտապ. Երբ մենք ճղում էինք մեզ մեջտեղից`ասելով, որ կորոնավիրուսի ներթափանցման վտանգ կա, իշխանությունն ասում էր, որ ամեն ինչ լավ է. Արման Աբովյան

ԲՀԿ-ական պատգամավոր Արման Աբովյանը գրում է․

«Երբ մենք ճղում էինք մեզ մեջտեղից`ասելով, որ կորոնավիրուսի ներթափանցման վտանգ կա, իշխանությունն ասում էր, որ ամեն ինչ լավ է, ու լրացուցիչ քայլերի կարիք չկա և առհասարակ կորոնավիրուսի «շուխուռը» հատուկ ներգցվում է հայկական տեղեկատվական դաշտ` ոմանց քաղաքական շահերից ելնելով։

Այսպիսի ապուշ և վտանգավոր մտքեր լսել եմ այս օրերին բազմիցս, բայց կարծում էի, որ գոնե հիմա պետք է մի քիչ դուրս գալ քաղաքական աբսուրդի դաշտից և ձեռնարկել հրատապ միջոցներ, որպեսզի վարակը չտարածվի։

Պարտադիր պետք է կոշտ քայլերով կանխել դեղորայքի և հակավարակային հիգիենայի պարագաների (օրինակ բժշկական դիմակների) կտրուկ թանկացումը և պարտադիր պատժել նրանց, ովքեր օգտվելով խուճապից թանկացնում են դեղորայքը և բժշկական դիմակները:

Հերիք է արդեն տարվել անիմաստ քաղաքական գզվռտոցներով, ժամն է` օր առաջ լուրջ վերաբերել վարակի տարածման վտանգին։

Համոզված եմ, որ եթե լինի պաշտոնական տեղեկության պակաս, ապա խուճապն ավելի կտարածվի, այդ իսկ պատճառով, կոչ եմ անում պատկան մարմիններին` չալարել և հնարավորինս օպերատիվ տեղեկացնել քաղաքացիներին կանխարգելիչ քայլերի մասին»։

(Visited 145 times, 1 visits today)

sirartsir

Добавить комментарий

Ваш адрес email не будет опубликован. Обязательные поля помечены *

Наверх