Սակայն Նիկոլ Փաշինյանի սիրելի օլիգարխների ձեռնարկությունները աշխատում են, փող են բերում, այնպես, որ նա անձնապես էլ ֆինանսապես չի տուժում. Աղասի Ենոքյան

Քաղաքագետ Աղասի Ենոքյանը ֆեյսբուքյան իր էջում գրել է.

«Նիկոլ Փաշինյանը հարց էր հնչեցրել․ «Կորոնավիրուսն ո՞ւմ շունն է», հիմա պարզվում է, որ հենց իր շունն է։ Ճիշտ չէ ասել, թե նա լուրջ չի վերաբերվում համաճարակին։

Օգտվելով իրավիճակից, Նիկոլ Փաշինյանը Ազգային ժողովով սղացնում-անցկացնում է այնպիսի օրենքներ, որոնք հանգիստ պայմաններում բազմաթիվ հարցականների առիթ կտային ու մեծ հանրային քննարկումներ կպահանջեին։

Առանց դատարանի որոշման գույքի բռնագանձման մասին օրենքը, բռնության խոսքը քրեականացնելու օրենքը, քաղաքացիների հեռախոսային խոսակցություններին և գեոլոկացիային հետևելու մասին օրենքը, անգամ Հանրային հեռուստատեսությանը գովազդային հնարավորություններ տալու նախաձեռնությունը լուրջ հանրային բողոք կառաջացնեին նախկինում։

Այնպես, որ Նիկոլ Փաշինյանը վարժեցրել է «կորոնավիրուս» շանը և նրանից առավելագույն օգուտ է ստանում։

Այս իրավիճակում, երբ թվում էր, թե Կառավարությունն ու Ազգային Ժողովը պետք է օրուգիշեր աշխատեին համաճարակի դեմն առնելու և պատրաստվեին ետհամաճարակային ճգնաժամը հաղթահարելուն, Նիկոլ Փաշինյանի իշխանությունն աշխատում է այնպիսի օրենքների վրա, որոնք կապ չունեն կորոնավիրուսի հետ, այլ ուղղված են ընդդիմախոսներին լռեցնելուն։

Որովհետև գիտեն, որ սանձել են կորոնավիրուսի շանը և նրան աշխատեցնում են իրենց շահերի համար։

Ճիշտ է, փակ են փոքր և միջին բիզնեսի ձեռնարկությունները, շատերը հայտնվել են ծանր սոցիալական վիճակում, սակայն Նիկոլ Փաշինյանի սիրելի օլիգարխների ձեռնարկությունները աշխատում են, փող են բերում, այնպես, որ նա անձնապես էլ ֆինանսապես չի տուժում»։

(Visited 53 times, 1 visits today)

sirartsir

Добавить комментарий

Ваш адрес email не будет опубликован. Обязательные поля помечены *

Наверх