«Վիճակը գնալով բարդանում է: Դժբախտաբար այս պահին
թվերի առումով, բարձրանալու վրա ենք: Հնարավոր է արտակարգ դրության ռեժիմը պահպանվի նաև մայիսի 14-ից հետո»,- այսօր «Ազատության» հետ զրույցում ասել է Առողջապահության նախարար Արսեն Թորոսյանը:
Նախարարի խոսոքվ՝ այս պահին ունենք 80 ծանր, 30 ծայրահեղ ծանր հիվանդ, 8 հոգի էլ միացված է արհեստական օդափոխության սարքին:
Հայաստանում մայիսի 6-ին՝ ժամը 11:00-ի դրությամբ նոր կորոնավիրուսով վարակվելու 163 նոր դեպք է գրանցվել: Այս մասին հայտնում է ՀՀ ԱՆ հիվանդությունների եւ վերահսկման եւ կանխարգելման ազգային կենտրոնը:
Ընդհանուր առմամբ՝ մայիսի 6-ին հաստատվել է կորոնավիրուսի 2782 դեպք:
Ընդհանուր թեստերի թիվը կազմում է 26929 (վերջին մեկ օրում՝ 1084): Փաստացի այս պահին բուժվում է 1600 անձ (մեկ օրում ավելացել է 138-ով):
Վերջին տվյալներով ապաքինվել է 1135 անձ (վերջին մեկ օրում՝ 24 մարդ), 40 պացիենտ մահացել է:
Եվս 1 քաղաքացի, ում մոտ կորոնավիրուս է ախտորոշված եղել, մահացել են այլ հիվանդություններից: Այդպիսի դեպքերի ընդհանուր թիվը 7 է:
