«Վանի սիսեռապուրի» պատրաստման եղանակն ու բուժիչ նշանակությունը

«Վանի սիսեռապուրի» բուժիչ հատկությունները և պատրաստման եղանակը.

Անհրաժեշտ բաղադրիչները

Նախապես 8-10 ժամ ջրում պահած սիսեռ 250գ.

գառան միս՝ 300գ, գլուխ սոխ՝ 120գ, լոլիկ՝ 150g.

մարվանդակի ճաղ(քարաուզ)՝ 40գ.

կանաչ ոլոռ՝ 50գ.

հալած յուղ կամ բուսական յուղ120գ .

գազար՝ 40գ.

գետնախնձոր(կամ կարտոֆիլ)՝ 100գ.

թարմ քաղցր բիբար՝ 40գ.

սև սալորի չիր՝ 20գ.

կարմիր և սև պղպեղ, աղ.

թարմ կամ չոր ծոթրին(ծիթրոն), համեմ, սամիթ.

ալյուր՝ 40գ.

Պատրաստման եղանակը

Գառի միսը լավ խաշել, ապա հանել և դնել մի կողմ: Եռացող արգանակի մեջ լցնել թրջաց սիսեռը և թողնել մինչև եփելը: Այնուհետև ավելացնել լվացած և կտրտած գազարը, մարվանդակի ճաղը, գետնախնձորը(կամ կարտոֆիլը), թարմ քաղցր բիբարը, սև սալորի չիրը(վերջինս կարելի է փոխարինել մանր կտրտած 25գ սերկևիլով):

Գետնախնձոր(կամ կարտոֆիլ) եփելուց հետո լցնել աղը, կարմիր և սև պղպեղը, ալրախյուսը: Այնուհետև գլուխ սոխով և կեղևահան արած, կտրտած լոլիկով պատրաստել սոխեռած, լցնել ապուրի մեջ, ավելացնել գառի միսը և կանաչ ոլոռը:

Մատուցելիս ավելացնել մանր կտրտած կանաչին:

Բուժիչ նշանակությունը

Նպաստում է արյան ճնշման կարգավորմանը, պարբերական գլխացավերի անցկացմանը, օգտակար է սրտային հիվանդությունների դեպքում:

(Visited 158 times, 1 visits today)

sirartsir

Добавить комментарий

Ваш адрес email не будет опубликован. Обязательные поля помечены *

Наверх